現年三十歲的韓國女星申恩慶，早前拍攝電影《我老婆係大佬2》時，左眼受傷幾乎失明，不知是否為了沖喜，申恩慶突然傳出婚訊，昨晨更親自向傳媒承認十月會與較她年長八歲的事務所社長拉埋天窗，更大讚未婚夫值二百分，望婚後迅速生BB。
前日韓國傳出申恩慶將於今年十月三十日，與所屬事務所PlayerEntertainment的社長金先生結婚。對戀情一直保密的申恩慶，昨日黎明時分即被當地傳媒致電吵醒，她在電話訪問中大方承認決定結婚，並說：「金社長四月喺公園同我散步時，向我求婚，我就一口應承咗。金社長唔止工作上畀到安全感我，重好有男人味。如果一百分滿分的話，佢就值二百分。」
被問到婚後有何大計時，申恩慶說：「我會同老爺奶奶、爸爸媽媽同住兩家親，更打算為老公生幾個細路。不過，婚後我同社長嘅關係不變，我仍然會喺演藝界工作。」
申恩慶又大讚金先生浪漫細心，她說：「佢每次嚟探班，都會送一百支玫瑰畀我。當我傷眼入院嗰陣，佢日日都嚟探我，令我覺得好幸福。」申恩慶的婚禮將於十月三十日下午五時，在漢城漢GrandHyatt酒店舉行。