較早前，美國國家公路交通局（NHTSA）曾對2003年最新推出嘅汽車進行撞擊測試，而剛在本港推出嘅萬事得M6車系，分別喺正面及側面撞擊測試中，獲得最高嘅五星評級，表示若M6遇上意外時，車內駕駛者及前座乘客嘅頭部、胸部及腳部，嚴重受傷機會低於一成。
而事實上，萬事得喺汽車安全設計上，充份表現咗車廠對研製汽車技術嘅智慧，當中響最新嘅M6車系上，經已全面採用最先進及獨有嘅3H立體安全車身結構設計，並以高拉力鋼製造；呢項設計優越之處，係當車輛遇上撞擊時，能有效地分散各個方向（上、左及右）嘅撞擊力，從而保護駕駛者及乘客嘅安全，並減低車架扭曲程度。與此同時，M6車系更配備有八個安全氣袋，包括前座側面及簾幕式安全氣袋等等，而前座嘅安全氣袋更屬分段式設計，可按撞擊程度嘅輕重，作出兩種不同程度嘅爆發力，務求能進一步保障前座乘客安全。
除咗美國國家公路交通局外，德國權威汽車雜誌《AutoMotorundSport》，亦曾舉行一項制動表現測試，測試結果發現萬事得M6車系，由100km/h到靜止只需37米，成績遠遠拋離平治、奧迪及寶馬等對手，表現可謂十分出色呢！