「一直到最後一秒，佢都冇放棄過！」與謝婉雯醫生相交二十多年的同窗兼好友蘇詠儀醫生，在昨日追思會上致悼詞時幾度哽咽；細訴與謝婉雯的一些軼事時，令人感到謝婉雯恍再站在大家的眼前。
蘇詠儀醫生形容謝婉雯是個「外剛內柔，溫文爾雅，溫柔，斯文」的人，兩人相交二十多年來，從來未見過她發脾氣，並相信任何一個與她相處過的人都會有同感。
在摯友蘇詠儀眼中，謝婉雯「做事從容」。憶起與她一起在中大校園讀書的時光，「當時喺崇基上完堂，又要再趕返去聯合上堂，短短十五分鐘，又要換衫，又要追校巴。追校巴嘅時候，你哋會以為佢散緊步。」
在考試前，謝婉雯亦一貫地從容淡定，反是不需考試的蘇詠儀卻替她乾着急，「真係皇帝唔急太監急」。
蘇詠儀表示，與謝婉雯共度的時光是「有福同享，有難同當」，「在臨考Final前，幾個禮拜唔返屋企，佢媽咪好錫佢，攞咗好多湯呀、飯呀入嚟。」謝婉雯每次都會與她一齊共享。
「佢溫柔，但並唔係一個柔弱嘅人。」蘇詠儀強調，「佢參加過童軍，游水都好叻，每次放完暑假返嚟，佢都曬到一身黑晒。」此外，讓蘇詠儀對謝婉雯感受最深的是，「最強都係精神上，佢同Albert（謝婉雯丈夫）嘅經歷，非一般人可以承受。」
說到謝婉雯的最後情景，「佢話有啲氣喘，話等出院後會再嚟探我，同埋我嘅小朋友。」蘇詠儀又說，在謝婉雯留院期間，有朋友都會電郵告訴她有關對方的最新情況。「佢話佢好tough（堅強），講咗好多次。」蘇詠儀強忍淚水、斷續地說：「一直到最後一秒，佢都冇放棄過！」