孖仔李永豪與李泳漢昨日到銅鑼灣V-MIX卡拉OK慶祝二十三歲生日，永豪的女友楊思琦亦有出席。
問楊思琦送甚麼禮物給李永豪時，她說：「佢好遲先通知我，所以未買，因為今日唔使開工先有時間嚟，而且自己又好耐冇唱過卡拉OK，不過都唔知送乜嘢畀佢。」對於是否已認定對方為對象，楊思琦說：「未係嗰個階段點認呀，大家要再了解吓先。」而李永豪昨日則說：「佢係我唯一一個朋友，其他都係哥哥朋友。」
當問到大孖泳漢為何未有邀請他傾慕的鍾欣桐出席，他說：「冇邀請到，今日我都有好多朋友嚟。」此外，問施明是否想盡快飲新抱茶時，她說：「男仔始終都以事業為重，咁將來個老婆先可以舒舒服服。」