早前，亞Mark曾經同大家提過，話勞斯萊斯新代理響中環心臟地帶開設嘅新Showroom，會喺今個月下旬正式投入服務，咁即係話部全新Phantom豪華轎車，屆時亦會同香港車迷見面啦！雖然貴價車類備受財爺公布嘅汽車新稅制所影響，惟代理仍深信勞斯萊斯會有一班忠實Fans，相信新車會逐漸為車迷受落。
至於Phantom嘅售價，初步估計大約係660萬港元，看來會令人有點咋舌，但畢竟呢部貴族化轎車，標榜精湛裝嵌手工同享受，大家不妨睇吓邊位城中商賈富豪，會成為首部Phantom嘅車主吖！至於另一邊廂嘅平治Maybach，一再押後在港推出嘅日期，但以Phantom嘅車價作預測，相信Maybach定價勢必要800萬港元或以上，又難怪代理要深思熟慮一番㗎！