任賢齊、任達華及琦琦昨日以代言人身份出席歐米茄在尖沙嘴廣東道旗艦店開幕儀式。任賢齊駕駛紅色的Maserati跑車進場，但因行錯路而遲大到，而他表示由於現在非典型肺炎在台灣肆虐，他會在香港、上海及日本等地工作，七月才會返台。
三位歐米茄代言人包括任賢齊、任達華及琦琦，昨日齊往尖沙嘴廣東道為歐米茄旗艦店主持開幕儀式，其他出席藝人還有蕭正楠、陳見飛及鍾麗淇等，現場有舞獅助興，場面熱鬧。
昨日任賢齊與任達華夫婦均坐上名車進場，任達華及琦琦乘坐白色勞斯萊斯房車抵達，而擁有國際車牌及賽車牌的任賢齊則親自駕駛紅色Maserati跑車出現，但他昨日卻遲到，令開幕儀式要延遲，任賢齊甫抵達已經即時向現場各人道歉，他說：「因為揀錯咗路行，點知嗰條路有地盤，搞到塞車囉。」
台灣正值非典型肺炎高峯期，任賢齊亦笑言有家歸不得，他說：「因為我呢排嘅工作都排到滿晒，要去上海拍楊紫瓊嗰套《飛鷹女俠》，套戲拍到六月中，跟住我又要去日本，所以最快要七月先可以返台灣，我都有打電話返屋企問佢哋嘅健康情況，好彩屋企人都冇事。」
而任達華與琦琦則剛自英國返港，任達華說：「我要去幫《盜墓者羅拉：生死之匙》配音，我女朋友（指琦琦）就放假陪我，因為佢遲啲會喺內地出書，要影過啲新相，我就喺嗰邊幫佢影咗輯冇化妝嘅靚相，我開工嗰陣，佢一啲都唔得閒，佢係shoppingqueen嚟，今次佢就買咗二十幾對鞋、三十幾套泳衣啦。」
採訪：林妙萍 攝影：甄朝健
