英、美、法、德、意、日、韓……二十幾個外國商會噚日喺銅鑼灣時代廣場聯合舉辦「我愛香港」慈善義賣，個個商會主席都上台高呼「香港是我家」，支持特區打贏抗炎之戰。其中丹麥商會代表好幽默，不忘多謝香港向佢哋輸出一個咁美麗嘅王妃文雅麗。
呢個由香港韓人商工會發起嘅活動，工商及科技局局長唐英年亦有捧場，更以一句「Come沙冚咪打」（多謝你）作致辭結尾。有人話韓民至今冇乜人中招，可能係泡菜嘅功勞，唐局長參與義賣攤位時，果然捨人參雞取泡菜，一口氣買咗三、四包走。另外一個檔主想送包韓國紅參茶畀局長，唐英年見係貴嘢，想要但又唔敢收，於是自掏腰包四百幾蚊買，話係送畀同事飲。
（圖）雖然售貨員極力推介人參雞，唐英年（右）最後都係鍾情泡菜，唔知係咪貪佢可能有抗炎效果呢？
傳真︰2623-9278
電郵︰