蘇永康、吳國敬、梁漢文及黃凱芹等人，昨日到中環CClub出席「嘉士伯音樂新朋道」記者會，而吳國敬透露前幾日懷疑自己染上非典型肺炎，幸好其醫生朋友指他因睡眠不足而導致頭暈及出現作嘔的現象。
而蘇永康昨日更就婚變一事作出回應，他說：「因為佢（太太）有一份關於電訊工作嘅新工，所以星期一至五都要留喺新加坡，佢通常都會星期五晚返，星期日晚走，加上佢太耐冇出嚟見人，所以先至有咁嘅傳聞，等我遲啲帶佢出嚟就會清楚晒啦。」
問到康仔會否擔心太太有其他人追求？他說：「我同佢結婚唔係要困住佢，而且我都鍾意我老婆叻，聽到佢講工作上有成績我都引以為傲。其實我老婆都好正㗎，但係兩公婆要互相信任。」康仔昨日更戴上其妻設計的戒指。
採訪：李珮洳 攝影：林德雄