教育統籌局局長李國章，噚日喺家校會十周年紀念慶典上話當年，佢憶起讀書嘅年代就特別有安全感，因為嗰時冇家長教師會，老師都少啲機會向家長告狀喎。
李局長細數半個世紀前，當佢重係讀緊小學嘅年代，見家長都係大件事，一係成績表滿堂紅，一係就操行特別差。但係嗰陣老師同家長少溝通，令李局長反而覺得好有「安全感」，因為老師唔會同阿爸阿媽告狀，父母亦唔會攞老師個名出嚟「壓」佢。李局長咁講，莫非佢細個瞞住阿媽做咗好多壞事？
（圖）李國章話讀書嗰陣，老師同家長好少溝通。
傳真︰2623-9278
電郵︰