張家輝計劃年尾結婚後，可以盡快生小孩子，因為他很喜歡小朋友，渴望擁有一個幸福美滿的家庭，他說：「喺我懂性開始，爹哋同媽咪就分開咗，媽咪一個人負責養育三女一子，喺四年前大家姐患癌症嗰段時間，我去醫院探家姐時，先至再見番爹哋，好老實講，見番佢之前，我一直好嬲佢拋妻棄子另娶，但媽咪同家姐都勸我唔好咁執着，話一切已成過去。」
家輝續說：「後來大家姐過身，我再喺靈堂見到佢（指父親），已經冇再嬲佢，可能係因為媽咪都可以原諒一個離開佢嘅男人，我做仔嘅又何必咁執着，而且感情事係兩人之間先會明白，後來媽咪生日，佢都有嚟食飯，大家相處得好似朋友咁，雖然佢係我親生爸爸，但咁多年冇同佢生活，對佢好難有爹哋嘅感覺。對我嚟講的確係一份遺憾。」