陳冠希（Edison）的父親陳澤民日前被證劵行入稟高等法院追數六百四十八萬元，Edison前晚在灣仔會展出席新片首映禮，被問及其父欠債一事時，一臉不屑，並指父親並非藝人，私人問題不用向外間交代。
陳冠希、余文樂、林嘉欣、袁和平、Cookies前成員Serena、Helena和Gloria等，前晚在灣仔會展出席新片《22世紀殺人網絡2決戰未來》首映禮。
Edison被問及其父陳澤民欠債六百四十八萬元，日前被證券行入稟高等法院追數一事時，他即藐藐嘴、面露不悅之色地說：「我有問過佢，佢話冇事。」
問Edison其父現在經濟狀況如何，他一輪嘴說：「講真呢啲嘢唔關你事，我阿爸唔係藝人，我講成幾十次，希望你會尊重我，唔知我重要講多幾多次，先至冇人再問我？」
有消息指余文樂近日操弗自己，為了跟Edison在新片《無間道II》中對撼，阿樂前晚和Edison先後入場，二人沒有碰面，Edison對此說：「唔知喎，我同佢冇乜對手戲，揮都係揮演技，唔係一場比賽。拍好部戲就開心，就算我操弗都係為自己，開戲前一個月已經開始做準備啦。」
劉家良日前批評袁和平任武術指導的《決》片不懂真功夫，靠特技取勝，袁和平前晚戴上口罩往看首映，他迴避接受訪問，匆匆入場。
此外，阿樂昨日到尖沙嘴出席Neway卡拉OK活動時，對Edison在首映上所說的話回應說：「佢講得啱，大家都係做同一件事，唔好以為做每樣嘢都係為咗比較，咁諗係錯嘅。大家都係畀心機為部戲，我曬黑同健身係角色需要，每個人都尊重個角色，好似杜汶澤同黃秋生都要減肥。」
採訪：陳梅香、卓寶花、胡苑君
攝影：陳志嵐
