喺SUV上利用Hybrid引擎配搭，或者有人會擔心引擎本身能否應付巨大負載量；不過，福特就設計出一部輸出等於200匹馬力嘅HybridSUV。呢款EscapeHybrid為福特最新型汽油電力混合動力車款，車上安裝咗一個300伏特嘅NMH電池，而EscapeHybrid就利用一台2.3公升引擎，配合一個65kW電馬達和28kW嘅發電機，輸出可媲美擁有200匹馬力嘅SUV車種㗎！
EscapeHybrid基本性能同一般Hybrid車種無異，但其發電機和電池都係重新研製，耐用性比早一代嘅Hybrid車種更好，就連馬力輸出亦大好多，推動一部車重較高嘅SUV亦不成問題。據廠方資料顯示，新EscapeHybrid每加侖汽油可以行走約35至40里（即1公升油可行走約13公里），以現時香港油價計算，平均約為每公里$0.8至$0.9，與一部1.5公升小型私家車嘅耗油量幾近一樣。另外，EscapeHybrid嘅外觀亦經過重新設計，一體式泵把同蜂巢式鬼面罩，營造出科幻外觀之餘，但又不失一份實用性，而車頂行李架則設有簡單擾流配搭，再配上一套跑車化合金胎軨，從而令造型望落更富動感呢！