左慧琪及嘉碧儀等應屆港姐及亞視藝員黎思嘉、袁文傑、鮑起靜等，昨日出席在沙田舉行的「心連心全城抗炎大行動」的活動，無綫與亞視兩台藝人為了抗炎活動而攜手合作。
左慧琪說：「其實都唔係第一次同亞視藝人合作，我覺得呢個咁有義意嘅活動，應該個個都支持，唔應該分係邊個台，大家身為香港人都要一齊去努力。」
左慧琪又表示會相約男友去行山，她說：「行山係健康運動，我嘅嫲嫲日日行山，𠵱家八十幾歲重好健康，拍拖除咗行街同食飯之外，重有好多嘢可以做，尤其天氣咁好，我同男友都鍾意戶外活動。」
另外，黎思嘉表示日前為亞視台慶排舞，弄瘀了一雙美腿。黎思嘉說：「嗰日排練好似電影《Chicago》嘅舞時，要俾其他舞蹈員fing，所以整瘀晒隻腳。」
採訪、攝影：魯萍
