港區人大鄔維庸醫生嘅二仔鄔揚正係威院心臟科醫生，早排鄔公子感染沙士，幸已病愈出院，但小鄔休息咁耐，身體依然好弱，未返得工住。小鄔係最早中招嘅一批人，鄔醫生話唔擔心就假。𠵱家個仔好番，佢同太太會唔會叫阿仔唔做醫生？鄔維庸反問：你會唔會聽阿媽話？仔大仔世界，何況個仔自細心願都係做醫生，點話得聽？
但鄔維庸最擔心嘅，原來唔係個仔，而係董特首同佢批手下會俾人秋後算帳、追究責任，咁即係香港傷口未愈，啲人就要撒鹽。八方心諗，點傷都未知，又點樣預防下次來襲？不過鄔醫生嘅擔心都係多餘，特首睇嚟已經決定，邊個鬧佢都會發爛渣還拖。
傳真︰2623-9278
電郵︰