沙士橫行，舞火龍話可以除瘟疫，多人搞原本唔奇。不過噚日大坑啱啱舞完火龍，今日又到鄉議局喺港九新界九個地點舞火龍，背後原來有段古。
最初鄉議局諗到揀華佗誕舞火龍，第一時間搵大坑做開火龍嘅專家打價，每條造價連舞龍要十幾萬，不過當時未知趕唔趕得切起貨。後來鄉議局搵新界父老返內地問價，每條火龍只需五、六萬，重保證起到貨。雖然唔好意思，鄉議局最終冇幫襯大坑火龍，搵佢哋做顧問，對方亦唔制。
家陣大坑火龍忽然提早一日舞，攞番個彩，鄉議局中人亦心中有數，不過佢哋解釋，當初唔係有心唔幫襯本地貨，只係想確保起貨時間啫。計八方話，舞火龍既然係好事，多多益善都唔拘。
傳真︰2623-9278
電郵︰