台灣《蘋果》創刊唔夠一個月，已經引起好大回響，噚日光華新聞文化中心舉辦嘅講座，城大教授李金銓更以「《蘋果日報》給台灣丟了一顆炸彈」為題，對《蘋果》有彈有讚，吸引咗幾十人。
講座開始前，光華中心主任路平叫大家舉手投票，睇吓有幾多覺得台灣《蘋果》最終會贏。有人話輸贏要睇五年，李金銓教授即刻話，香港《蘋果》一出已經氣勢如虹，台灣《蘋果》睇兩年就知輸贏。投票結果如何？二十六票比十一票，睇好《蘋果》嘅一方大比數勝出，連光華副主任翁桂堂都估《蘋果》會贏。
李金銓形容，黎智英係一個「怪人」，九七前個個爭住移民，佢反而用七億搞《蘋果》，𠵱家重愈搞愈大搞到去台灣。佢都估計台灣《蘋果》最後唔單止可以同《中時》、《聯合》、《自由》三大報系四分天下，重可以超越佢哋。嘩，咁巴閉，八方都希望呢一日快啲到。
（圖）李金銓（左）估計台灣《蘋果》可以站穩腳，路平主任亦覺得黎智英對台灣消費者有貢獻。
傳真︰2623-9278
電郵︰