雖然煲呔曾畀「與時……並進」嘅老董變咗「掃街曾」，但佢就當真咁做，係咁周圍見人，聽吓佢哋對掃街有乜意見。佢噚日就見咗社聯同埋立法會議員，不過有份見佢嘅民主黨肥仔李華明就話，成十幾人喺度「吹水」，一人講一句都夠鐘，真係深入啲傾都冇機會，佢話煲呔拍心口話公家地方佢有信心掃得乾乾淨淨，但私人地方就未諗到辦法，同佢哋吹完水，仍然係冇辦法。
聽聞煲呔已經知要搞乜，即係知道What，但問題係重未諗到方法點搞，就係未知How，所以要集思廣益，收集民間意見，八方都覺得唔係咁易，同李柱銘講到煲呔有幾艱難，馬丁竟然陰陰嘴笑住「獻計」：「叫佢掃走嗰董（幢）垃圾咪乾淨晒！」
傳真︰2623-9278
電郵︰