踏單車，不在郊野上。
在氹仔，單車路線多是橫街小巷，左穿右插，到達著名食街官也街，見有馳名食肆，入店，坐下，就可飽餐一頓。
吃飽，驅車又好，推車又好，先逛濠江市集，再到龍環葡韻觀住宅式博物館，拍照留念。
折返，買手信，算是最短時間遊畢氹仔吧！
全澳門唯一的北帝廟，有150年歷史，旁為時代士多，有單車出租，老闆娘很囂張：「間廟求乜靈乜，唔信唔好入去咯！同我租單車最平，唔信唔好租囉！」時租$15，日租議價，她太囂張，不講價對不住自己。
先談環境，筆直一條官也街，太窄，門面不能置枱椅，紅記卻得天獨厚，後巷老樹成蔭，樹底下開餐反成賣點，老闆娘阮姐說：「好多客訂位專揀樹蔭底，有冷氣位都唔坐！」沒說謊，採訪時間是下午五時半，街客入店，阮姐要以笑趕客，因為訂位已滿，直至打烊。
店名：紅記飯店
電話：(853)827194
地址：氹仔官也街48號地下
營業時間：早上11時半至晚上9時半
糯米飯蒸蟹約$110（$7両）
竹籠上，蟹膏混和糯米飯，添飯香；澳門特產龍脷，即捕即蒸，薑葱豉油清蒸，才夠原汁原味。
原盅花膠雞燉翅$98
脆皮燒肉$35
燒肉用炭爐燒，外皮特別脆；老雞熬花膠足3小時成湯底，夠味，二両翅，份量十足；後者是招牌菜，雞肉難得地嫩滑，絕非雞肋。
30年老店，馳名水蟹粥，用的卻不是水蟹，老闆凌生說：「係用過水蟹，後來發現膏蟹重鮮味，不過客人同傳媒叫慣水蟹粥，橫掂起晒朵咯，由得佢錯落去囉。」蟹鮮，因澳門地處珠江三角洲鹹淡水交界，其肉較嫩滑：「澳門船民每日出海捉蟹，一捉到就用嚟熬粥，捉唔到寧願唔賣。」
店名：誠昌飯店
電話：(853)825323
地址：氹仔官也街28至30號地下
營業時間：中午12時至午夜12時
蟹膏完全溶入粥水內，食畢不覺口渴，證明真材實料，不加味精。
父妻檔，80年古老瓦頂磚屋，取名公雞，意寓吉祥，老闆Mato是葡國人，說故事：「話說葡國有個僕人，俾大地主屈佢偷嘢，正想投河自盡，見到河邊有隻香噴噴燒雞，佢對住隻死雞講：『我諗只有你識叫，所有人先會信我係清白。』死雞真係叫喎，從此公雞就變成葡國吉祥物嘞。」莫太是中國人，嫌他囉囌，只說：「改乜名都好，啲嘢好味就得。」
中葡合璧
Mato是退休葡國軍人，愛以葡國飾物點綴中式磚屋，莫太覺不倫不類，卻拗他不過：「拗過無數次，先畀我加條竹做橫樑，間屋樓底高空間闊，加條竹咪『胸有成竹』囉，意頭嘢講極佢都唔明。」但愈吵愈恩愛。
店名：公雞葡國餐廳
電話：(853)827423
地址：氹仔官也街45號地下
營業時間：上午11時半至晚上11時
馬介休球$30
馬介休頭通粉$65
馬介休，即用銀鱈魚醃製成鹹魚，是正宗葡國菜；葡國海鮮飯一定有肉蟹，加鮮蝦、青口、大蜆大雜燴。
類似香港大笪地，有百多檔售賣乾貨、精品、小工藝、日用品、小吃的露天攤檔及有獎攤位，手推單車去趁墟，是遊氹仔指定節目。
必買手信之一炭燒杏仁餅（$27），每日準時下午二時出爐；而另一起朵之作花生糖（$25），是小朋友至愛，不能不買。
店名：鉅記餅家
電話：(853)827456
地址：氹仔官也街11至13號地下
營業時間：上午10時至晚上10時
被他人盜用名字，正牌車厘哥夫始創人凌先生氣憤難平，惟有站在舖門作生招牌：「遊客嚟氹仔，要食梗係食正宗嘅紐結糖（$38），認住我個嘜頭啦。」
店名：車厘哥夫
電話：(853)825122
地址：氹仔官也街27號地下
營業時間：上午10時至晚上10時半
澳門尋吃，問地膽最清楚，Yvonne說：「捐窿捐罅，要乜有乜，我係澳門人都未試勻晒，我幫襯過呢三間食肆，味道唔錯，咪掛住同何生搏殺，試埋好嘢至上船嘛。」
椰汁雞撈麵$12
緬甸撈麵$10.5
正宗緬甸菜，必試魚湯粉，老闆小林說：「最惹味係啖湯，緬甸人慣用塘虱加黑椒、薑、香茅熬湯，勁甜；緬甸人食嘢好簡單，油麵底，撈蒜油、豉油加椰汁雞就變成椰油雞撈麵；緬甸撈麵又叫兜兜麵，冷食，麵放入兜，兜吓兜吓又拉吓拉吓，溝啲秘製醬汁就搞掂。」
店名：雅馨緬甸餐廳
電話：(853)528129
地址：澳門飛龍便度街27號F地下
營業時間：上午7時半至晚上7時半
父妻檔，黃老太負責拆腦：「每朝六點幾起身去街市買豬腦，八點鐘開始拆腦摵血管，一拆300副，大力啲都會摵散副腦，少啲功力都唔掂。」黃老伯負責煮麵：「一日淥幾百碗麵，手都軟。唔使怕喎，加啲醋糖椒絲同洋葱絲，可以中和膽固醇喎！」
店名：東京小食館
電話：(853)560037
地址：澳門三盞燈園地形1號C座
營業時間：下午2時半至凌晨1時
先用杜仲、草果、黨參、杞子等十二種中藥浸鹹豬手，待豬手去油後放涼，翌日淋滾油，全熟上碟，外皮脆，肉嫩，是師傅自創的招牌菜。
店名：南灣和記海鮮飯店
電話：(853)710021
地址：澳門南灣馬統領街金來大廈第二期7號E地下
營業時間：下午5時至凌晨4時