美股整固兩日後，周四晚再度發力，納指再創11個月新高，收1551。杜指升65點，收8713。看納指的中長線技術走勢，的確帶來無限憧憬──1個新牛市的誕生。這個可能是近期美股偏強的原因，以月線圖看，納指今個月若能守在1540之上收市，後市升勢有望加快。另方面，短期若再跌穿1520收市，則並非太好訊號，將展開較大調整，考驗1380-1430重要支持位。
杜指在納指帶動下走勢亦轉佳，以月線圖看，似營造頭肩底，今個月只要升近9000，就算出現調整亦不要緊，留待6月再突破頸線，亦有望牛市重臨。基本上，納指是近期美股焦點，參考價值相當大。
美股周四晚雖然造好，但港股昨日好淡各踢半場好波，早市恒指升近9200回頭，午市跌近10日線即見反彈，最後僅跌32點，收9093。恒指全周微升9點，但亦叫做連升3周，周線圖出現陀螺，下周應有突破性走勢。
趙飛雲倉內恒指Put輪9698回升2格，收0.146元，若不是昨日溢價大縮0.5%，9698應收0.16元左右。炒輪逢星期五多人計數離場，除非後市趨勢特別明顯，否則窩輪溢價例較平日縮得多。若明白箇中原因，星期五有心沽貨要早啲；有信心睇通後市，尾市可以買平貨。倉內恒指Put輪9698現時只有微利，決定繼續持有，始終覺得大市先下試8800-8900機會大。
趙飛雲