【本報訊】特首董建華前日在立法會答問大會上主動反擊民主派,一方面大鬧民主黨前主席李柱銘「唱衰香港」,未能與時並進,又指議員陳偉業問題「膚淺」;對於特首大耍唇槍舌劍,昨日有公務員透過電台直指他的言行失方寸,未具備領袖的風範。有留美的港生更表示香港政府做得如此差,同學們畢業後都不願回港發展。
任職公務員的劉先生昨日致電港台節目《千禧年代》表示,對特首董建華在答問大會表現感到非常失望及憤怒,李柱銘向他提出一個普通問題,特首不但沒有回應,還指摘李唱衰香港,「董特首失晒方寸,完全冇一個領袖應有嘅態度同風範。」
劉先生續指,特首應該趁答問大會的機會向巿民、議員解釋他的政策,「佢冇把握機會,反而挑起爭端,好似潑婦罵街,我睇見佢咁做嘢,好失望同憤怒。」
又有王先生表示,當聽到董特首說「你哋(民主派)唔好諗住以前嘅嘢」,便知沒有「與時並進」的是董特首,「佢同班左派九七年當道,要推(冧)前朝嘅嘢,好似公務員制度咁,想推得幾多就幾多。但佢哋諗唔到好嘅嘢代替,就唔好亂咁推。」
「要對特首要公道啲。」蘇先生語帶諷刺表示,特首的才華好與壞是見仁見智,他建議特首成立危機小組防患未然。
莫女士強調,她自己只不過是家庭主婦,但看見特首在答問大會的表現,「佢完全沒有大將之風,好似婦人之見。」現正留美學生Stephen則表示,眼見香港目前情況,政府事事慢三拍做事欠果斷,同學們均稱畢業後會留美發展。