「索」，一向都是外間用來形容MaggieQ的字。由出道至今，佢都被冠以索女稱號，單看其前度及緋聞男友吳彥祖、中田英壽、陳冠希等，個個有型靚仔，就知她電力有幾驚人。今次她公開介紹一個血型減肥餐單教大家KeepFit，想要有MaggieQ咁正的身形，就不妨死跟喇！
記者：羅惠芬 攝影：陳智良
逢星期一至三、五刊出
人人都說MaggieQ的身形好Fit，原來她兩年前也試過減肥，而且是個根據血型制訂的減肥方法，效果重唔錯㖭，長期保持47公斤重！
「血型減肥法係由一個著名自然療法師PeterD'Adamo創立嘅，佢重出埋書《EatRightForYourType》！本書一出銷量就過百萬，咁有口碑我咪試吓囉！」Maggie屬B型血，所以要多食肉類和蔬果，食咗兩個月，已經減去肚腩，身形還愈來愈Fit。
除了減肥，𠵱家佢每日必定花起碼1小時做運動KeepFit，瑜伽、健身、踏單車、游水等樣樣做齊。
A型 奉行高纖
A型人消化能力較差，應奉行多菜少肉的原則，大豆、五穀類等食品不妨多吃，配合溫和的運動，如冥想、瑜珈，紓緩緊張生活。
B型 食肉減肥
對B型血液的人，進食肉類（雞肉除外）、肝臟、蔬果及雞蛋，能加速新陳代謝，多吃無妨；相反，芝麻、麵、飯等食物不宜多吃。
O型 忌吃粟米
O型人消化能力極高，可以肉類及海鮮等高蛋白質且低碳水化合物的食物為主要食糧。忌吃粟米，否則會影響胰島素分泌及新陳代謝速度。
AB型 少肉多菜
AB型是A與B型血液的混合體，胃酸分泌較少，紅肉會較難消化，對芝麻、小麥等食物也要避之則吉，最好配以豆腐和蔬菜，就可控制脂肪積聚。
夏威夷出生的Maggie，勁愛曬太陽，所以好易有雀斑。加上天生敏感偏乾性的膚質，平時最關心的就是保濕和美白問題。除勤用護理產品，每星期一定去美容中心做Treatment，為自己扮靚。
「多飲水，多做運動，瞓足六小時，皮膚自然靚！」
Maggie的一頭直髮，由入行保留至今。原來佢最想嘗試短髮：「可惜香港市場依然以長髮為主流，要生存惟有犧牲自己的喜好啦！」別看她一頭及肩直髮以為好易搞，其實她亦會花好多時間打理。除了平日洗頭，每星期起碼會做2至3次HairMask，及盡量少用電風筒。
dermalogica 28816169
LeonardDrake 31561181