警方昨日在大搜「越南兵團」時，一度曾向商人趙世曾位於域多利道的「趙苑」借路，到岸邊搜索賊蹤。事實上，除了名門趙家外，霍英東家族大宅所在的沙宣道昨日亦有越南匪幫出現行劫，警方擔心附近一帶豪宅成為賊匪光顧的目標。
趙世曾對昨日出現越南匪幫一事表示：「多謝關心，我冇事，我屋企一帶都唔知幾安全，警方亦冇搵我幫手調查，係個看更見到啲越南人爭住搶上岸，不過距離我屋企好遠，聽講係近瑪麗醫院嗰邊，而且我屋企保安好周全，有成幾十呎高嘅鐵絲網，冇人爬到入嚟嘅。」
趙世曾稱不會增強家中保安，他說：「我屋企已經有七個工人，屋企又冇放貴重嘢，而且啲賊有槍㗎嘛，就算係請幾多個保鑣都冇用啦。」
至於住在沙宣道的立法會議員霍震霆則表示近日未察覺區內治安惡化，更不擔心成為賊人目標，他謂對本港警方投以信心一票，這次人贓並獲便是最佳證明。霍震霆表示，現時家居保安設施足夠，家人對治安情況感到滿意，相信警力足以維持治安。
本報記者