久休復出的楊采妮（Charlie），日前為一本女性財經雜誌拍攝創刊號封面。訪問中Charlie首度談及她與男友邱韶智的分手傳聞，言談間可見Charlie對男友愛意未減，但她卻強調會將邱韶智當朋友。
楊采妮年多前無論在感情與事業上受盡壓力，早前更有傳Charlie與男友邱韶智感情出現問題，Charlie在《Azure》創刊號中，首次親自公開剖白，她說：「我唔想再將感情事掛喺口邊。本來我唔介意講感情，但係傳媒經常未經了解就亂下判語，唔止嚇怕我，重影響到佢（邱韶智）同愛錫佢嘅人。佢本身係圈外人，若然我只當佢係好朋友，記者就會停止以佢做話題，咁我就索性當佢係好朋友算啦。」
當大家都以為Charlie的事業已陷於谷底之時，Charlie早前又高調拍攝一輯洗髮水廣告，其後Charlie復出的傳言四起，問她是否希望再次投入幕前工作，Charlie充滿自信地說：「如果要全力發展，我有信心喺淡市中一年接四套戲。但係我冇咁嘅打算，因為我要繼續兼顧StarzImage嘅生意，我絕對唔係明知勁蝕仍死抱唔放嘅人，公司仍然有生意，點解要停？𠵱家公司會由零售轉型做公司客戶，再唔使花十幾萬租舖同請大批salesgirl，所以重可以生存。」
闊別銀幕多年，Charlie亦學會了及時行樂的道理，她說：「我以前唔識去開心，𠵱家可以開心就開心先算，而且重識喺唔同嘅角度去睇一件事，唔會去鑽牛角尖。」
撰文：羅慧敏