備受車迷注目嘅新款萬事得M62.3型號，終在上周於本港推出，據亞Mark打探所知，當中嘅四門版及SportsWagon旅行車型號最受車迷追捧，而且如果家陣定貨，重要等到八月至有車交㖭！咁又係呀，部車唔單止個樣夠In，車廂設備配搭又齊之餘，佢所配用嘅嗰台全新2.3公升直4MZR引擎，馬力輸出高達178匹，而且重好慳油㖭！但售價都只係$199,900起咋！你話係咪好吸引呢？有興趣嘅朋友，重唔快啲落Showroom查詢一下！另外，亞Mark重收到風，話現時響葵涌MazdaCentre展出嘅RX-8跑車，將會於呢個周末、周日，移師到灣仔萬事得Showroom展出，加上嚟緊嘅周日（18日），更係呢部RX-8在港展出嘅最後一日㖭！大家記住唔好錯過喇！