全球矚目的科幻巨製《22世紀殺人網絡2決戰未來》昨日破紀錄的在全美三千六百間戲院、合共八千五百一十七個影院公映。片中由雷文特兄弟（RaymentBrothers）飾演的雙生大反派，其白皮膚、白髮及紅眼形象，在片中與奇洛有連場激戰，被指歧視白化病及淺色斑皮膚病病人，不過電影公司未有就此事回應。
而此片下周四亦會在港上映，早前一眾主要演員齊集洛杉磯，向世界各地傳媒暢談一口氣拍攝第二及第三集《22世紀》的感受。
今次導演華高斯基兄弟（WachowskiBrothers）決定一次過拍攝兩集《22世紀》，奇洛李維斯（KeanuReeves）及嘉莉安摩絲（Carrie-AnneMoss）等人為此在開拍前半年接受體能及動作訓練，務求以最佳狀態應付密集式的拍攝工作。
奇洛說：「曉高韋榮（HugoWeaving）做嘅特工Smith角色，喺戲入面會變咗一百個人嚟追殺我，而我同曉高，以及十二個替身，為呢場戲足足拍咗一個月，我哋要每組每組逐個部份來拍。」
經過艱苦兩年，奇洛透露明年將有新計劃：「《王子復仇記》之後，我已經冇做舞台劇，所以我想做番部新劇，另外，我亦會同我隊樂隊Dogstar開吓會，睇吓有冇新搞作。」
至於女主角嘉莉安則表示今集她與奇洛的關係將有更多發展空間，其中一場飛車場面更是高潮所在。她說：「呢個真係好正嘅經驗，我同羅倫士費斯賓（LaurenceFishburne）用咗四十五日拍呢場公路戲。講真我對電單車完全冇認識，拍嗰日真係驚到震，我一味同自己講『冇嘢好怕，唔會有事嘅』，不過坐我後面嘅演員重驚過我。」