警察公共關係科最近有人事調動，曾經被借調機場保安公司出任助理總經理嘅高級警司劉業成，接替范錫明出任警察公共關係科高級警司，佢噚日聯同另一位警察公共關係科新任嘅總新聞及宣傳主任吳耀文同傳媒茶敍，據八方了解，八四年加入警隊嘅劉Sir喺短短十九年間，由見習督察晉升到高級警司，先後做過重案組、毒品調查科、警察訓練學校、警隊人事科等不同部門，甚獲警隊高層器重，可以講係警隊明日之星。
曾於理大修讀航海天文課程嘅劉Sir同八方講，佢未入警隊前，喺蘇格蘭一間船務公司工作過幾年，曾在遠洋輪船上面工作，過住飄洋過海嘅生活，但佢就話非常珍惜嗰段日子，令佢眼界大開。
傳真︰2623-9278
電郵︰