SARS呢場瘟疫已經爆發咗兩個月，立法會議員勞永樂喺呢段時間每日都聯絡醫生、各個團體，重要回應無數嘅傳媒查詢，電話講個唔停，佢上個月足足講咗一萬一千幾分鐘手提電話，即係成一百八十三個鐘，手提電話費要四、五千蚊。八方同佢計吓條數，佢足足用咗七點六日，約四分一個月嘅時間講手提，真係得人驚。
勞醫生係醫學會會長，又係傳染病專科醫生，必然成為記者查詢對象，除咗本地傳媒，重有好多外國記者，搞到一開完會就要覆call，呢兩個月重不停搞沙士講座，同醫療團體開會。
平時勞永樂每個月講三千幾、四千分鐘大哥大，但沙士後就更厲害，連免提裝置都爛埋，一向捱得嘅勞醫生噚日都同八方講，真係覺得有啲「疲勞過度」。
傳真︰2623-9278
電郵︰