曾經係首屆特首人選嘅羅德丞，噚日喺英資上市公司太古集團股東會後，宣布退出董事局，不連任獨立非常務董事。
雖然大羅近年好低調，但呢位七十年代出任立法局議員、八十年代為行政局成員嘅政壇元老，當年真係風頭躉。中英會談期間佢開設太平門公司，助港人移民。其後又全面親中，同港澳辦打關係。唔講唔知，今年六十八歲嘅大羅，七五年開始已經係太古董事，數數手指都有二十八年。八方同太古嘅朋友傾起，佢哋話羅老冇特別解釋點解唔做，「可能係年紀大啩」。
大羅仍然係恒基地產嘅副主席兼董事，又係港區全國政協委員，但今年三月政協開會，佢都請假冇到，遲啲會唔會辭埋恒地個位，實行全退呢？
傳真︰2623-9278
電郵︰