呢個星期日會有舞火龍驅瘟除疫，鄉議局主席劉皇發即刻出嚟開記者會，介紹即將登場嘅火龍，話成個活動要花費六、七十萬。今次活動揀五月十八日有段古，當日正是「醫聖」華陀誕辰，發叔大讚為抗炎殉職嘅謝婉雯醫生及劉永佳護士，話佢哋正係現代「華陀」，重話當日會於慶祝華陀寶誕儀式中，加插向醫護人員致敬嘅環節。
講開到時會以道教儀式進行，發叔自爆話佢七四年已經入咗道教分支之一嘅青松教，屬於「廣」字輩。原來當年發叔同任職屯門政務專員嘅藍鴻震一齊去拜神，拜拜吓重入埋教，轉眼就過咗二十九年。
（圖）劉皇發同林貝聿嘉齊齊參觀用珍珠草紮成嘅火龍龍頭及金魚宮燈。
傳真︰2623-9278
電郵︰