行將退休嘅審計署署長陳彥達繼發炮批評立法會以高於市價聘請員工後，噚日佢老人家又同八大專院校嘅校長同教職員代表，為審計署指大專院校嘅教職員優厚待遇展開激戰，其中中大校長金耀基話審計署唔了解本地大學嘅運作，根本就唔能夠單憑簡單數據去將香港同英美國家嘅大學比較，佢語帶諷刺話：「如果香港嘅大學教職員人工高過英國，咁其實只係英國人工低。」
金校長此語一出，陳彥達立刻發火還擊：「呢啲事（人工）唔使喺大學做過嘢都識，只係基本管理常識，就算我未掃過街，我都曾經審核過掃街報告啦！」在中大教數學嘅香港高等院校教職員會聯會主席岑嘉評即刻回敬：「如果學生喺大學入面交呢啲數（審計署計算之數據）去考試，肯定唔及格！」
傳真︰2623-9278
電郵︰