劉德華近日正忙於拍攝新片《大隻佬和尚》，他日前拍攝一場騎綿羊仔的撞牆戲份時，不慎炒車受傷，以致手腳破損，更傷口潰爛，結果華仔被迫停工兩日。
劉德華近日正忙於與張栢芝拍攝新片《大隻佬和尚》。華仔在劇中需套上假肌肉扮大隻佬，他日前拍攝一場騎綿羊仔的戲份時，不慎炒車受傷，以致手腳破損兼撞到左手舊患。
前晚七時許，左手手踭包着紗布的華仔，出現於林建岳位於中環的辦公室，他說：「我之前拍一場騎綿羊仔嘅戲時炒車，𠵱家日日要睇醫生換藥。」問華仔手臂受傷有否影響拍攝進度？他說：「要停工兩日呀，之後要跳拍隻手唔使化妝嘅戲份先，直至傷口好番為止。」
據《大》片工作人員透露，華仔當日騎電單車扮撞到牆壁，誰知電單車煞車掣失靈，他真的撞牆炒車，因為他當時不用套上假肌肉，華仔連人帶車跌倒地上，擦傷手腳流血，更弄傷左手舊患，華仔痛得叫苦連天，工作人員連忙為他清洗傷口。
華仔因當晚要趕拍其他戲份，故要頂硬上繼續趕戲，但他那場戲又要套上假肌肉，傷口因長時間焗住而潰爛，華仔惟有停工兩日。《大》片導演杜琪峯昨日在電話中透露，因華仔傷口不可再套上假肌肉，故現在要跳拍其他演員的戲份。
而華仔昨日在清水灣電視城拍攝新歌MV，他即席畫了一幅圖畫給小朋友，宣揚抗炎信息。謝婉雯醫生前日因感染非典逝世一事，華仔難過地說：「噚日我都有睇新聞，真係好心酸，啲醫護人員明知危險，重咁用心照顧非典病人，先係真正嘅勇敢。」
另外，前晚梅艷芳、蔡一智、岑建勳和梁家輝等演藝人協會成員亦出現林建岳的辦公室。問阿梅是否為「1:99音樂會」開會？她說：「係呀，傾埋啲細節嘢。」
採訪：陳月媚、楊潔雯
攝影：娛樂突發組
