傅明憲、張燊悅、陳啟泰夫婦和葉蘊儀等前晚到灣仔會展出席《卡拉是條狗》慈善首映禮。非典型肺炎肆虐，傅明憲痛斥無良狗主拋棄狗隻。愛犬如命的她為怕愛犬染病，經常以1:99漂白水為牠們抹腳消毒，果然是非典型狗主。
由葛優、丁嘉麗和夏雨主演的電影《卡拉是條狗》前晚在灣仔會展舉行慈善首映禮，為香港愛護動物協會籌款。海域集團主席葉劍波的太太傅明憲、張燊悅、葉蘊儀等捧場，三位靚女大受現場的斑點狗和拉布拉多犬歡迎，更被狗隻偷吻。
傅明憲以AlexanderMcQueen新裝亮相，展露二十三吋小蠻腰，她展示手上金色狗仔手袋說：「所有同狗隻有關嘅活動我都會盡量支持，呢個手袋就係Mira（葉梁美蘭）去美國買畀我嘅手信。」
談到有市民因SARS拋棄寵物，傅明憲心痛地說：「我睇報紙知道北京有個狗主，誤以為隻八哥狗有非典，竟然丟佢落街，隻狗死唔去重拎去活埋，真係好殘忍！香港近期都有近千隻寵物俾人拎去人道毀滅，大家唔好做啲咁愚蠢嘅事，畀人感覺好冇文化、好冇水準。」
為響應政府使用1:99漂白水清潔家居，一向愛狗如命的傅明憲則說：「啲西施狗去完街，我就用1:99漂白水幫佢哋抹腳板底清潔，但係用得多又怕皮膚會『嚡』，所以都會幫佢哋搽番啲handcream。」傅明憲更透露為保護生態環境，除戒吃牛、羊和野味外，近日更開始戒吃魚翅。
此外，葉蘊儀早前被拍得與Twins的髮型師Daniel在遊艇上有親暱舉動，前晚她重申二人是朋友關係，她說：「上次出海有成十幾個人，我同佢係朋友關係，搞到我再去整頭都好尷尬，總之我暫時唔會拍拖啦。」
採訪：WinningHo、JessicaNgan
攝影：ChanChiLam
