炎疫肆虐，兩岸三地「淪陷」，但同香港只有一水之隔嘅澳門至今只有一個斗門客中招，照計澳門同珠海接壤，又大開中門歡迎港客，點解佢哋可以「免疫」咁叻呢？
好多人百思不得其解，猛話有人作數隱瞞，但以八方之澳門生活經驗，當地社群嘅透明度極高，幾乎你食乜餸全條街都知，如果有人中招，好難冚得住。
咁到底佢哋點防範疫症？以下一例，或可提供線索。香港之葡萄牙領事館，位於灣仔海港中心，同澳洲領事館同一層樓，澳洲領事館日日辦公，但葡萄牙領事館重門深鎖，理由係為防炎，唔對外開放，無限期「停業」。
可能澳門有葡國遺風，對傳染病非常重視，一早就識自我隔離；至於各位要辦公辦證者方唔方便，就係閣下嘅事喇。
傳真︰2623-9278
電郵︰