「股壇長毛」DavidWebb（大偉）橫掃藍籌股股東會嘅「殭屍行動」，噚日掃到去國泰航空。
雖然大偉用心良苦，想提高公司管治，但竟惹來其他小股東不滿，八方噚日喺股東會上見到一位英文嘞嘞聲嘅婆婆，嬲到企起身指住大偉鬧。
大偉問到中途，個婆婆終於忍唔住，用英文鬧佢問來問去都係嗰啲問題，搞到股東會開咗兩個鐘重未完。大偉回應話相同問題對唔同公司都唔同，一於繼續問。
太古、中移動、地鐵同港燈四隻藍籌今早差唔多同時間開股東會，八方想知道大偉會去邊度掃場，去支持佢；當然重有晏晝開股東會嘅長江基建啦。
傳真︰2623-9278
電郵︰