張家輝早前曾承諾新劇《十萬噸情緣》如能破《戇夫成龍》所創下的四十六點收視，便會與女友關詠荷結婚。張家輝昨日接受電台節目訪問時，表示無論該劇收視如何都會在今年拉埋，更會考慮到外國註冊行禮。
張家輝主演的新劇《十萬噸情緣》上周推出，有三十二點收視，成績不俗。早前他曾謂如《十》劇能打破《戇夫成龍》四十六點的收視紀錄，便會和關詠荷結束十二年愛情長跑。昨日他到商台接受訪問時，表示不論新劇收視如何都會結婚，他說：「唔到都結啦！」
問張家輝會於何時結婚？他說：「我諗今年啦，都會做完（結婚）後先通知大家，我會喺外國註冊同行禮。」至於會到那個國家舉行婚禮，家輝笑說：「我諗唔會喺拉斯維加斯啦，我未知，重未有idea。」問到關詠荷是否經已答應嫁給家輝時，他說：「未答應㗎，我未求婚㗎！得㗎啦，明㗎啦！」家輝現正忙於拍劇，問他今年有否時間結婚時，他說：「要結就有㗎啦，睇吓做唔做嘅啫。」
記者事後追問張家輝是否已知會女友結婚一事，他說：「佢都有睇報紙，都有同佢講。其實我都唔知佢肯唔肯㗎，都怕俾人拒絕，不過我唔係講敷衍說話嚟應付記者，唔係攞嚟講笑，係乘機結婚，不過都未正式傾過，一切從破紀錄開始，但都有一定難度。」
此外，家輝最近已簽了新經理人公司，新老闆是林建岳，家輝說：「我今年都係以拍電影為主，拍劇或者出碟都唔諗住，我都鍾意唱歌，但係喺呢個時勢我覺得唔出好過出。」
採訪、攝影：胡比、羅慧敏
