五十歲的單親婦阿芳，與兩名分別九歲及二十一歲的兒女相依為命，其任職清潔工人的長子，月入微薄，生活捉襟見肘。近日，她喜獲房屋署分配公屋單位，惟貧困的她，無力支付搬遷費，感到彷徨無助，蘋果基金即時撥款，解其困境。
「搬去新單位，梗係好開心，起碼唔使再交貴租，我已經拖咗幾個月租，雖然業主體諒唔使我交番啲欠租，但係都要快啲搬走；不過我都冇錢畀新屋嘅租金同埋按金，又冇親戚、朋友可以幫到手，𠵱家壓力真係好大，最擔心搬唔到入去，到時都唔知點算……」愁眉不展的阿芳說。
她與丈夫離婚多年，靠領取綜援金獨力照顧孩子。數年前，兒子在職業訓練局修讀裝修技工課程，受經濟不景影響，畢業一年多後，仍找不到工作。月前，他覓得一份清潔工作，他們遂暫停領取綜援金。
身為家庭經濟支柱的兒子，月入約有五千多元，扣除每月的基本租金及水、電雜費後，實無力應付一日三餐的膳食開支，經濟拮据。
為了幫補生計，阿芳曾從事洗碗雜工，惟因體弱多病，被迫辭退工作。
「試過夜晚冇錢買餸食，咪去附近嘅士多借啲罐頭番嚟食，平時食剩咗嘅飯，都會留起第晚煲粥食，𠵱家我哋連食都冇，重邊有錢畀搬遷費；其實𠵱家食唔食都好閒，最緊要係有間屋畀啲仔女住。」談及此際，雙眼通紅的她不停用紙巾拭淚續說：「有時諗諗吓，好想放棄自己，但係見到啲仔女咁生性，自己又好唔捨得佢哋，希望今次蘋果基金可以幫到手。」
面對如此貧困日子，每逢假日阿芳的親子娛樂便是留在家中一起看電視，或陪伴女兒到就近的公園遊玩，以消磨時間。
快將遷往新居，九歲的稚女欣欣依偎在母親身旁靦覥地坦言：「麻麻哋開心，因為要離開同學仔；不過可以搬去新屋，心情又好興奮；知道媽咪冇錢，唔會叫佢買嘢嘥錢。」
為了節省租金的支出，早前，阿芳向房署申請公屋，現已獲分配一個單位，惟她正為一筆搬遷費發愁。有見其經濟困境，蘋果日報基金即時撥款五千元，助其繳付搬遷租金及雜費按金，以解燃眉之急。
捐款編號：C0936
暖流熱線
電話：29908688
傳真：23702192
電郵：
網址：
