噚日一年一度立法會捐血日，場面異常冷清，捐血議員數目連續第二年下跌，只有六個，包括曾鈺成、蔡素玉等四個民建聯成員同馬逢國，民主派竟然只有陳偉業一個。
唔好怪錯好人，其實四月初血荒時，何俊仁、李華明、單仲偕同鄭家富四個民主黨議員已經響應紅十字會呼籲去捐血，三個月內都唔適宜再捐血。上次因為血壓偏高唔合資格捐血嘅楊森，今次驗過又唔捐得，連捐咗三十年血嘅楊孝華亦被紅會拒諸門外。
蔡素玉清明返過瘧疾疫區福建，原本護士話只會用佢嘅血清，佢嘅血球唔用得，不過後來玉姐話冇去過鄉村，平反成功，連血球都用得。
（圖）蔡素玉雖然冇沙士，但佢去過瘧疾疫區福建，差啲令「一腔熱血」無用武之地。
傳真︰2623-9278
電郵︰