由各行各業發起嘅「同心為香港」活動，成績不俗，催谷本地消費之餘，又可吸引市民搭飛機外遊，最近更多咗一間航空公司參與。聯合航空香港區總經理馬耀文噚日搵八方食飯，順便公布佢哋都加入呢個計劃，送出六百張飛東京同美國六個指定城市嘅特惠機票，東京機票特價一千蚊，美國機票特價三千蚊。
聯合航空嘅換機票方法更加簡單，市民由噚日至六月底，只要消費滿一千蚊，攞住收據正本，就可以換特惠機票，冇限定行業或商戶，亦冇限制每張收據嘅價錢。
最特別嘅係，由香港註冊慈善團體發出嘅正式捐款收據都可以計埋，簡單嚟講，捐一千蚊做善事亦可換機票，八方覺得此舉更方便，又可以幫到人。不過，呢類機票要喺六月底前使用。
﹙圖﹚雖然咁遲才推出有關計劃，但馬耀文話佢哋換機票嘅方法勝在夠方便。 李潤芳攝
傳真︰2623-9278
電郵︰