四十八歲地盤工人阿強，日前肝癌病逝，遺下孤兒寡婦生活無依，境況堪憐。蘋果日報慈善基金即時撥款，助遺孀張女士支付亡夫殮葬費用，以解眼前燃眉之急。而張女士八歲女兒小芳，面對喪失父親變得「聽教聽話」，令母親悲傷的心靈稍得安慰。
面容憔悴的張女士向到訪記者歎謂：「我噚日去認領阿強嘅死亡證，跟住想搵殯儀館排期將遺體火化，但我根本無錢搞殮葬，都唔知點同殯儀館職員講、點搵人做嘢！」
張女士的丈夫阿強，日前因肝癌去世，遺下妻女彷徨無助。四十一歲的張女士悽然表示：「阿強個肝病本來已經好番，點知近排突然復發，嗰晚佢瞓到半夜個鼻同口不斷流血，送去醫院搶救唔到，一句說話都無講低就死咗！」
張女士含淚說，每當想到女兒小芳才八歲便失去父親，做母親的她感到很難過。「阿強好細個冇咗老竇，𠵱家小芳嘅身世又係咁！不過小芳變得好聽教聽話，呢兩日早晚都裝香拜祭佢爸爸，又幫我做家務。」訪問期間小芳一直乖巧地坐在母親身旁，一面稚氣。
阿強生前任職地盤工人，是家庭經濟支柱。張女士坦言，近年市道欠佳，丈夫阿強經常開工不足，一家難有積蓄，如今阿強猝斃，她實在無力葬夫。
「我冇乜親友，想籌錢都難。如果蘋果基金唔幫我，我真係冇其他辦法。」張女士兩眼通紅地說。由於經濟緊絀，生活非常省儉，張女士母女連日來只以青菜、炒蛋及白粥果腹。
至於日後生計，張女士稱：「阿強生前點艱難都唔想攞綜援，所以我會去搵工，有得開工嗰陣就將小芳交畀鄰居幫手看管。」
蘋果日報慈善基金了解張女士苦況後，即時從「殮葬專戶」撥出二萬元，助她辦理亡夫的身後事，應付短暫生活急需。
張女士捐款編號：C0933
暖流熱線
電話:29908688
傳真:23702192
電郵:
網址：
