張栢芝的身材很神奇，當穿上不同款式的衣服時，就會產生不同的視覺效果。栢芝前晚在出席《絕種好男人》慶功宴後，便往便利店購物，她被街頭青年大呼其胸部很大，而她在慶功宴上就繼續發表男人都是野獸的理論。
張栢芝、李珊珊、任賢齊和中國星老闆向華強夫婦等，前晚在尖沙嘴出席電影《絕種好男人》慶功宴，栢芝穿上小背心和板仔褲到場，十分性感。
前晚所見，栢芝的上圍明顯豐滿了不少，她亦再次露出腰間的紋身，但肚腩卻脹卜卜，非常礙眼。每次出席活動時，栢芝的身材都有不同的視覺效果，尤其是當她穿上不同的衣服時，上圍都產生不同的變化，認真神奇。
栢芝前晚出席完慶功宴後，坐車到附近便利店購物，在便利店外的一班年輕人即口花花的撩栢芝：「吓，栢芝個胸好大！」但栢芝未有理會，更即時坐車到了向太在九龍塘的家。
而栢芝早前接受一雜誌訪問時，表示男人都是野獸，她在慶功宴上便解釋：「呢個係比喻，人係由動物演變而成，馬騮都似人有尾龍骨，DNA亦相近。人同動物嬲嘅時候一樣都會發脾氣，打交同咬人。」栢芝以野獸形容男人，問她可是想當馴獸師，栢芝說：「我邊有資格，我想遇到好純，但又唔使去馴服嘅人，唔好咁兇猛就OK。」
問栢芝會喜歡甚麼性格的男人？她說：「佢一時要似小綿羊，一時要係小老虎，但對方一定要好man，我會好尊重佢，畀面佢，等佢好有男子氣概，但私人空間嗰陣，佢要好似細路仔咁好溫柔。」
再問栢芝遇上這個人沒有？她說：「等囉，來日方長，我重好後生，之前都遇到咁嘅人，有時遇到未必代表timing啱，要timing啱先得，𠵱家我嘅目標係要不停做嘢，充實自己，我想搵多啲錢。」談到她跟舊愛陳曉東的關係，栢芝說：「我同東東有共識，我哋係永遠知己，唔會復合，唔會拍拖。」
採訪：陳梅香
攝影：甄朝健
