沙士疫情喺台灣失控，前排宣布要隔離來自疫區旅客十日嘅措施，要延長多兩個禮拜到五月二十五號，一聽到呢個消息，最愁嘅原來唔係想去台灣玩嘅旅客，而係中華旅行社總經理張良任。
張良任喺台灣雖然官階至局長級，但係如果返台都一樣要隔離十日，佢噚日同八方呻，已經好耐冇返台灣探老婆，以前一個月去一次，但係今年五個月以來先去過一、兩日。
反觀光華新聞文化中心主任路平，冇得返台灣嘅影響好似冇咁大，佢重話沙士令人多咗創意，光華搞嘅口罩設計比賽都要延遲截止。但原定今年喺台北搞嘅雙城論壇，睇怕點都要取消嘞。
傳真︰2623-9278
電郵︰