係人都知白鴿黨前主席馬丁李柱銘係天主教徒，但相信唔係好多人知佢以前原來好想做神父，如果唔係一個女仔嘅出現，八方今日都要叫佢一聲「李神父」嘞。
八方近來同真正嘅神父傾得偈多，諗番起呢個陳年故事。
話說馬丁以前讀華仁嘅時候，已經有諗過做神父，到咗中學畢業，已經想做神父想到發燒，重同媽媽提出。唔好以為李媽媽會俾馬丁呢個願望嚇親，李媽媽都不知幾醒目，知道對住啲年輕人，你愈叫佢唔好做嘅事，佢就愈做畀你睇，於是李媽媽一於以退為進，唔反對馬丁做神父，只係希望佢讀完大學至算。
馬丁今時今日諗番起都讚媽媽聰明，事關佢一入大學，成件事都唔同晒。「嗰陣一路喺寡佬學校讀書，當時真係有咁嘅call（感召）想做神父，未見過世面嘛！」
咁佢入大學又見到乜嘢世面咁巴閉？唔使講啦，一個花花世界，淨係追女仔都用咗好多時間啦。但係究竟係邊個女仔令到馬丁唔做神父只做大狀？唔好講嘞，費事佢今晚俾李太扭耳仔。
傳真︰2623-9278
電郵︰