即將在港推出嘅全新本田Accord車系，可謂先聲奪人，皆因早前分別囊括東瀛本土2002至2003年全日本最佳汽車（日本汽車協會），以及美國汽車傳媒刊物評為2003年10大最佳汽車，還有美國消費者選為最佳四門家庭房車㖭！
然而，新Accord之所以能夠響短時間內備受車迷追捧，據聞全新車架結構，唔單止剛度有27%提升，就連吸震同隔音效果，都給車迷有喜出望外嘅體驗。再者，新Accord嘅前輪雙搖臂及後輪五連桿式雙搖臂結構，更大大提升行車時嘅對地抓着力及循迹性，就連突然加速或減速，車體仍能保持響極低幅度嘅前俯或後仰反應，表現出一部物超所值嘅高性能房跑車本色呢！