近年，喺多套歐洲製作嘅電影中，都有唔少新車款出現，例如《的士速遞》內嘅標緻406、《變種特攻2》嘅萬事得RX-8跑車等等，而備受全球車迷追捧嘅新版Mini，亦將會成為電影明星之一。點解筆者會咁講？因為廠方響最近公布嘅一份新聞稿中指出，寶馬車廠會為將於五月底響美國上映嘅全新電影《TheItalianJob》，提供多部Mini協助拍攝工作，其中一部紅色MiniCooperS、白色及藍色MiniCooper更會成為片中「主角」之一，皆因佢哋除咗響片中佔上頗重戲份外，而且重會響街上「左片右片」，協助真正嘅主角逃避敵人追捕㖭！唔知香港嘅戲迷及車迷，有無機會睇到呢套咁精采嘅《TheItalianJob》呢？