【本報訊】為拯救非典型肺炎，受到感染的屯門醫院女醫生謝婉雯昨日病逝。雖然謝婉雯要忍受喪夫之痛，但她仍以無私的服務精神，自動請纓到「非典」病房醫治病患的偉大情操，令無數與她素未謀面的巿民都傷心流淚，扼腕興歎，昨日更紛紛透過大氣電波，向這位女英雌作最後的致敬。
「要向謝醫生致敬，佢好偉大，佢捨身成仁，冒住生命為香港巿民服務，今早聽到佢嘅死訊，好唔開心。」黎小姐昨日致電港台節目《千禧年代》時泣不成聲說，希望謝的父母堅強一些，「佢咁後生、咁勇敢就冇咗生命，好傷心。」
黃太哽咽地說：「謝醫生一年前經歷喪夫之痛，但仍站起嚟貢獻社會，香港人面對困境，回頭望望謝醫生，應該學佢貢獻番自己出嚟。」她又稱，丈夫是醫務人員，認識同事染上「非典」，兩度進出深切治療病院，病情反覆如過山車，家人的精神負擔好辛苦，「謝醫生的兩位老人家精神負擔好重，一年內經歷兩次傷痛，真係好痛，需要精神支持。」
黃先生嗚咽地說，謝醫生強忍着喪夫之痛走上前線工作，已是十分難得，「佢為香港、為國家，我以佢為榮，係港人典範。」
六十多歲的區女士痛哭地說：「聽到佢嘅死訊喊到𠵱家，醫者父母心，我當佢係父母，有錢出錢，有力出力，我六十幾歲人，靠仔女過活，上次劉永佳我捐咗一千，今次我會再捐一千。」
練先生表示：「我係一個男人，男兒淚不易流，但聽到謝醫生過世，一年前佢丈夫又過身，我都忍唔住要喊。」
吳女士的一對子女，男的在屯門醫院當醫生，女的任職護士，每天兩人去上班，她都十分擔心。她說：「我好傷痛，點解咁健康嘅醫護人員會死，希望兩位老人家唔好咁傷心，希望社會幫助佢啲家人。」