自從地產股相繼被剔出恒指成份股，換入多隻工業股之後，小初終於完全明白香港經濟已經同以前唔同，芬佬炒工業股的風氣，睇嚟方興未艾，有排都唔會停手。
經紀黃話，芬佬投資中小型工業股，好容易會變成第2大股東，所以芬佬唔係話走就走，如果公司唔係有乜大問題，芬佬除咗局住將股價造上之外，基本上冇其他太多選擇。
市場上其中一隻芬佬愛股福田實業（420），在沙士肆虐之時，股價雖然一度被質落4.475元的低位，但有忠心芬佬大手增持，股價在近日重上高位，噚日雖然跌2.6%，但仍然收5.60元。
經紀黃話，福田明日公布中期業績，一路睇住隻股嘅外資大行，估計業績會非常出色，一來係定單多咗；二來係生產力提高唔少。因此福田股價雖然反彈幅度唔細，如果公布業績真如預測咁正，唔排除短線可以炒多轉。
慕容小初