講起小超人李澤鉅，佢噚日認真唔得閒，下晝四點出席長江生命科技記者會前，三點鐘出席另一個記者會，就係長和系旗下嘅尚乘財富策劃成立記者會。尚乘係長和系同滙豐、恒生合作成立嘅滙網集團，夥拍澳洲聯邦銀行搞嘅，重請得美國運通銀行前任行政總裁曾慶璘做總裁。
美國運通舊年要將銀行同信用卡合併，曾慶璘佢一向有食腦銀行家之稱，因此小超人主動搵佢，搞咗呢瓣財富管理業務，曾氏同一啲管理層更可以入股尚乘，成為股東，真正成為長和系拍檔，可說「柳暗花明又一村」。
有老友話，前日行過黃埔花園嘅長實售樓處，已經發現有尚乘呢個櫃位，由此可見呢間新公司已積極出擊。
傳真︰2623-9278
電郵︰