怕醜草（含羞草）之所以叫怕醜草，係因為一俾人摸，啲葉就會合埋，好似好怕醜咁。不過將軍澳保良局黃永樹小學溫室嘅一棵怕醜草，喺教育統籌局局長李國章面前，就一啲都唔怕醜。
李局長噚日到該校睇復課情況，有個女學生向局長介紹佢最愛嘅怕醜草。局長輕輕力搞吓，點知摸咗幾吓，啲葉都冇反應。李局長問點可以令呢棵草「知醜」，小女生話怕醜草啲葉表面有水份，當用手指摸時，會掃走啲水份，產生反應而令葉子合埋，所以佢教李局長要用力啲摸。李局長於是用力一摸，終於令棵草「知醜」喇。
成啟聰攝
傳真︰2623-9278
電郵︰