「佢啱晒做我夢中情人」
好姨一見何厚鏵即㗳糖

薛家燕（好姨）前晚應邀到澳門出席一婦女活動，並與澳門特首何厚鏵會面，好姨大讚對方有型有款，最適合做她劇中的夢中情人，而何厚鏵亦笑說要好姨帶挈賺外快。
記者汪正文澳門直擊

薛家燕前晚到澳門出席一婦女活動，碰巧前日是母親節，好姨的兩名子女均有同行，其後三母子更一起吃葡菜慶祝，而二子石耀庭和幼女石耀珠更向母親獻上香吻。

「覺得佢好親民」
好姨前晚出席的婦女活動，澳門特首何厚鏵亦是座上客，他不時鼓掌讚賞好姨的表演，而好姨則說：「何厚鏵真人比上鏡靚仔！」何厚鏵聞言即笑說：「咁你帶挈我賺外快！」
好姨續道：「香港特首都見過幾次，但澳門特首就第一次見面，我覺得佢好親民、平易近人、風趣同有型有款，我拍電視劇《皆大歡喜》同《真情》都未搵到男主角，佢啱晒做我夢中情人。」

當眾示範減肥
好姨前晚出席的婦女活動，當中包括有講座，由她講述單親母親如何負擔起一頭家。好姨表示曾有意輕生，但一想到三名子女，即打消這個念頭，其後她重看現場播映的舊片段，亦感觸落淚。問到有否與前夫聯絡，好姨說：「佢有搵過我，但我唔會接受佢，𠵱家身邊都有追求者，不過我都係要以工作行先。」
此外，好姨近日收身成功，她前晚在講座上被一女士問到減肥秘訣，該名女士說：「你以前好似個肥婆咁，點解𠵱家瘦咗？」好姨聞言即邀請那名女士上台一同做減肥運動，她說：「呢個方法可以將肚腩肉谷上胸部，係宮粉紅（陳寶珠媽咪）教我嘅，當然重有張玉珊教我要均衡飲食。」