鶴佬，一個如Glacia戲稱「冇乜名人，所以唔多人識」的名字！但既為鶴佬人，Glacia總希望有更多人認識其故鄉，是以大學時代主修中文的她，畢業論文也以鶴佬戲曲為題。不再校園時的她，今日又示範兩道鮮為人識、鶴佬人愛吃的地方小菜，從而帶你認識她的故鄉。
記者：吳佩璇
攝影：陳智良
Glacia祖籍海豐，而居於海豐、陸豐一帶的人，都被稱為鶴佬人。大概是主修文科，及兒時在鄉下生活過幾年的關係，Glacia對故鄉有着一份大多數年輕人所沒有的感情。她會拿着地圖告知你鶴佬人聚居的地方：原來就在潮州附近。據Glacia所講，其祖先本是福建人，經魏晉南北朝戰亂而避難至現居地。Glacia笑說：「可能我哋鄉下冇出過啲乜嘢名人，人數又唔多，所以大部份人都將我哋當咗係潮州人！」
鶴佬人有超過一半都是生意人，Glacia的父親也是做買賣的。另外，他們又有自己的戲曲文化。講到飲食，由於近海而居，他們都愛吃海鮮，魚、蝦、蟹都是至愛。但一般人都食得好慳儉，是以有食蝦皮的飲食智慧。好似今日為大家介紹的其中一道菜──擂茶，也是以廉價海鮮加其他雜糧做成，別具地方風味。
自煮價：$15
「擂」為鶴佬人方言，即搞或舂的意思。Glaica話鄉下人食得慳儉，利用茶渣加花生、芝麻等舂碎後撈飯吃，謂之擂茶。家鄉裏常以此作一頓午飯。由於茶可消脂、芝麻又有黑髮功效、花生含不飽和脂肪，故此菜有美顏瘦身功效。Glacia話一星期都會整2、3次，事關多吃令皮膚更有水份，又可清理腸胃。今日Glacia還利用購自鄉下獨有的盅，將最傳統的做法公開。
用咩料：
綠茶葉1湯匙、芝麻半湯匙、花生半湯匙、薄荷葉4片（另備炒米）
配菜：
瑤柱2粒、芫荽2棵、蝦皮1両、韭菜及韭黃各1両、葱少許
自煮價：$20
別被這道餸名誤導，所謂的雞卷，其實沒有雞，反而有瘦肉和蝦。大概是方言不同，及為美其名所致。無論如何，雞卷為鶴佬人過節必吃菜餚，也是Glacia從小就最喜歡的餸菜。每逢請朋友回家吃飯，她都必煮這道菜：「呢味餸特色得嚟又易整，而且賣相幾好，招呼朋友好啱。但又唔會好似擂茶咁，未必人人接受到。」
有咩料：
腐皮1張、免治瘦肉4両、蝦半斤、韭菜及韭黃各1両、葱1両、馬蹄1斤、雞蛋4隻、芫荽少許
調味：
鷹粟粉3湯匙、鹽1茶匙、糖半茶匙、雞粉1茶匙、胡椒粉少許
家住將軍澳的Glacia，平日多會去屋企附近的尚德街巿買餸。其買餸心得是先行一圈，巡視一下成個街巿今日有乜靚餸：「通常我都冇特別心水話今晚要煮乜，先行一圈睇吓乜嘢靚就買。」而她推介這裏的豬肉，事關夠平（有時會平至$14斤）！有時間的話，她又會揸車到土瓜灣街巿：「嗰度多咪表位，泊車方便。最緊要係啲菜同海鮮夠新鮮。」